Жамбыл облысында жер сілкінді

Жамбыл облысы Меркі кентінде 2 баллдық жер сілкінісі болды, деп хабарлайды BAQ.KZ. 

ҚР ТЖМ "СБЗҰҒО" ЖШС сейсмикалық станциялар желісімен сағат 11:14-те жер сілкінісі тіркелді.

Эпицентрі Қазақстан аумағында Алматы қаласынан батысқа қарай 308 км жерде орналасқан. 

Жер сілкінісінің энергетикалық класы 10.2. MPV магнитудасы 5.3. Эпицентрдің координаттары 42.77° С. Е. 73.18° Ш. Б. тереңдігі 25 км.

Сезілетіндігі туралы мәліметтер (ДСМ-64 шкаласы бойынша): Жамбыл облысының Мерке кентінде - 2 балл. Зардап шеккендер мен қираулар туралы ақпарат болған жоқ. Мониторинг жүргізілуде.