Жамбыл облысында жантүршігерлік жол апаты: Көлікте қысылып қалған ер адам құтқарылды

Бүгін таңертең ерте Жамбыл облысының Байзақ ауданындағы Бурыл ауылында екі жеңіл автокөліктің қатысуымен жол-көлік оқиғасы болды, деп хабарлайды BAQ.KZ.

Оқиға орнына жеткен ТЖМ жедел-құтқару жасағының мамандары гидравликалық апаттық-құтқару құралдарының көмегімен көліктің салонында қысылып қалып, өздігінен шыға алмаған зардап шегушіні шығарып алды.

Осыдан кейін ер адам әрі қарай ауруханаға жеткізу үшін жедел жәрдем бригадасына тапсырылды.