Жамбыл облысында былтыр 28 елді мекен ауыз сумен қамтылды

Жамбыл облысында былтыр 28 елді мекен ауыз сумен қамтылған, деп хабарлайды BAQ.KZ облыс әкімдігіне сілтеме жасап.

Жамбыл облысында өткен жылы «Қуатты өңірлер-ел дамуының драйвері» ұлттық жобасы аясында 54 нысанның құрылысына 13,6 млрд теңге бөлінген.

Нәтижесінде 28 елді мекен тұрғындары сапалы ауыз суға қол жеткізген.

Ал, ағымдағы жылы 49 нысанның құрылыс-монтаж жұмыстарына 21,7 млрд. теңге қарастырылған. Ал, жыл соңына дейін 25,7 мың адам қоныстанған 43 ауыл толыққанды тіршілік нәрімен қамтамасыз ету жоспарланып отыр.