Жаңа Зеландияда жанартаудың атқылауынан кейін жоғалғандар әлі табылған жоқ

Нұр-Сұлтан, BAQ.KZ. Жаңа Зеландияда жанартаудың атқылауынан кейін жоғалған 8 адам әлі табылған жоқ, деп хабарлады 24.kz.

Жергілікті билік оларды мерт болды деп есептемек. Естеріңізге салайық, жанартау елдің солтүстігіндегі Уайт-Айленд аралында оянды. Ол кезде аралда 50-ге жуық турист болған. Олардың отызын күйік шалған. Дәрігерлер ауыр халде жатқандар да бар екенін айтады. Табиғат апатынан бастапқыда 5 адам қаза тапқаны жарияланды.

Айта кетейік, бұл аралға бір күндік сапармен жылына 10 мыңға жуық адам келеді.