Бекшин Алматыда КВИ инфекциясы өсуінің негізгі себептерін атады

Алматы, BAQ.KZ тілшісі. Алматының бас санитарлық дәрігері Жандарбек Бекшин қаладағы эпидемиологиялық ахуал мен коронавирустық инфекциясы жұғатын негізгі орындар мен олардың себептері туралы айтты.

Ж. Бекшиннің айтуынша, соңғы 7 күнде КВИ жұқтырудың негізгі орындары – сауда объектілері - 30%, отбасылармен байланыс - 18%, қоғамдық көліктер - 15%, базарлар - 13%, демалыс үшін саябақтар мен жаяу жүргіншілер көшелері - 4,6%, дәріханалар - 4,1%, басқа өңірлерге және қала маңындағы аймақтарға бару - 3%.

Қалалық Санитарлық -эпидемиологиялық бақылау департаментінің басшысы алматылықтардың ауру жұқтыруының негізгі себептерін атады.

Бұл көзге көрінбейтін биологиялық қауіпке қатысты халықтың қырағылығының төмендеуі, COVID-19 дельта вирусының тез жұғуы, сондай-ақ азаматтардың басым көпшілігінің вакциналану қажеттілігін елемеуі, - деді Ж. Бекшин.

Сонымен қатар бас санитарлық дәрігер халықтың қоғамдық тамақтану орындарындағы отбасылық іс-шараларды (тойлар, мерейтойлар және т.б.) ұйымдастыруын қауіпті және оған бермеу керектігін айтты, сонымен қатар коттедждердегі бұқаралық іс-шараларды аспаздар мен қоғамдық тамақтандыру орындарының қызметшілерінің қатысуымен өткізу тәжірибесі кеңінен қолданылады.

Инфекцияның көбеюінің тағы бір себебі – қоғамдық орындарда және қоғамдық көліктерде қала тұрғындарының маска режимін елемеуі, сондай-ақ, жастар мен жасөспірімдер арасында инфекция өсуде, - деді Ж. Бекшин.