Зайсандағы бірнеше көшені еріген қар суы басты

Шығыс Қазақстан облысының Зайсан ауданында еріген қар суын бұру бойынша жұмыстары жүргізіліп жатыр, деп хабарлайды BAQ.KZ.

11 ақпанда Зайсан қаласында ауа температурасының жылынуы және түнгі уақытта жауын-шашынның түсуіне байланысты таулы жердегі қар еріді.

Төтенше жағдайлар министрлігінің хабарлауынша, таудан аққан су Жақсылықов, Молдыбаев, Ноғайбай көшелерінің бойымен ағып жатыр.

Тұрғын үйлерді су басу қаупі жоқ.