Қызылордада «Отбасындағы зорлық-зомбылыққа жол жоқ» акциясы басталды

Нұр-Сұлтан, BAQ.KZ. Қызылорда облысы аумағында мүдделі мемлекеттік органдардың, үкіметтік емес ұйымдардың өкілдерін, жұртшылықты тарта отырып «Отбасындағы зорлық-зомбылыққа жол жоқ» акциясы басталды. Бұл туралы kyzylorda-news.kz сайты хабарлайды.

Полиция департаментінің баспасөз қызметінің хабарлауынша, акцияның негізгі мақсаты – халықтың кең тобын тұрмыстық зорлық-зомбылықтың алдын алу және жолын кесу, ана мен баланы қорғау, қоғамдағы отбасының рөлін нығайту бойынша қабылданып жатқан шаралар туралы халықты таныстыру.

Акция барысында профилактикалық есепте тұрған адамдарды, сондай-ақ қолайсыз отбасыларды тұрғылықты мекен-жайлары бойынша тексеру жұмыстары іске асырылып жатыр.

Қазіргі таңда учаскелік полиция инспекторлары Қазақстан Республикасының «Тұрмыстық зорлық-зомбылық профилактикасы туралы»   Заңын түсіндіру жөніндегі буклеттерді үлестіре отырып, қызмет көрсететін әкімшілік учаскелерді күн сайын аралауда.

Аталмыш акция ағымдағы жылдың 24-27 маусым аралығында өткізілетін болады.