Облыстық прокуратураның мобильдік тобы 1 күндік рейд барысында осындай 29 дерек тіркеген. Жалпы төтенше жағдай жарияланғалы 91 тұлғаға әкімшілік хаттама толтырылды. Оның 58-і сотпен қаралып, 25-і әкімшілік қамауға алынса, 33-не әкімшілік айыппұл салынған.
Коронавирустың қарқынды таралуына байланысты Қызылорда қаласында такси қызметіне де уақытша тыйым салынды. Сондай-ақ қала, ауданаралық автокөліктердің қатынасы да тоқтатылды. Бұл облыстың бас мемлекеттік санитарлық дәрігерінің қаулысы негізінде коронавирустың таралуына тосқауыл қою мақсатында қолға алынып отырған шаралардың бірі. Әзірге бұл шектеу шарасының мерзімі 14 күнге белгіленген. Ал қоғамдық көліктер жұмысын жалғастыра береді. Тек уақытына шектеу қойылып отыр. Санитарлық, дезинфекциялық талаптарды қатаң сақтай отырып, таңғы сағат 6-дан кешкі 20.00-ге дейін жолаушы тасымалдауға рұқсат бар.