Қытайда коронавирус құрбандарының саны 2144 адамға дейін жетті

Нұр-Сұлтан, BAQ.KZ. Қытайдың Хубэй провинциясында 2019-nCoV жаңа типті коронавирусынан зардап шеккендер саны 2144 адамға жетті.

Бұл туралы Хубэй облыстық денсаулық сақтау комиссиясының сайтында 21 ақпанда хабарланды, деп жазады РБК.

Сонымен қатар провинцияда осы вирусты жұқтырғандар саны 62,4 мыңнан асты, 11,7 мың адам сауығып, ауруханалардан шығарылды.

2019 жылдың желтоқсан айында Қытайдың Хубэй провинциясында коронавирустың жаңа түрінен туындаған пневмонияның өршуі анықталды. Кейін вирус дереу Қытайдың қалған бөліктеріне және басқа елдерге таралды.