Қытай тауар тасымалдаудың жаңа тәртібін енгізуде

Нұр-Сұлтан, BAQ.KZ. Қытайдан тауарларды тасымалдаудың жаңа тәртібі енгізіліп жатыр. Бұл туралы Қаржы министрлігі Мемлекеттік кірістер комитетінің баспасөз қызметі хабарлады.

Қытайлық жүк көліктері жүк-көліктік-логистикалық орталықтарға жүктерді түсіріп, Қытайға кейін қайтады. Тауарларды Қазақстан арқылы отандық жүк тасымалдаушылардың көмегімен тасымалдау жоспарланған, - деп түсіндірді комитеттің баспасөз қызметі.

Пандемия басталғалы бері Қытай тарапы Қазақстан-Қытай шекарасындағы өткізу пункттері арқылы көлік құралдарының кіруін бақылауды күшейтті. Келіссөздер аяқталғаннан кейін тараптар Қытайға кіретін көлік құралдарының санын күніне 100 бірлікке дейін көбейту туралы келісімге келді. Бұрын ҚХР-да күніне 20 машинадан артық рұқсат етілмеген.

20 шілдеден бастап Қытай тарапы Шыңжаң-Ұйғыр автономды ауданында (СУАР) коронавирустық инфекцияның өршуіне байланысты Қазақстаннан көліктерді қабылдауды тоқтатты.

Қытай шекарадан көлік құралдарын өткізу тәртібін қайта қарады, бұл Қазақстаннан жүк көліктерін қабылдауды тоқтатуға себеп болды. Сонымен қатар, Қытай тарапы ұсынған рәсім жүк тиелген жартылай тіркемелерді Қытайдан Қазақстанға жөнелтуге дайындықты қарастырады", - деп атап өтті ведомстводан.

Жаңа процедуралар екіжақты мақұлданғаннан кейін барлық тиеу операциялары Қазақстанның шекаралық көліктік-логистикалық орталықтарында жүзеге асырылады, мұнда тауарлар тұтыну аймақтарына әрі қарай тасымалдау үшін қазақстандық шетелдік транзиттік көліктерге ауыстырылады.