Ыстанбұлда қаруланған ер мен әйел cот ғимаратына шабуыл жасады

Ыстанбұлда қаруланған ер мен әйел сот ғимаратына шабуыл жасады, деп хабарлайды BAQ.KZ Anadolu агенттігіне сілтеме жасап.

Түркияның ішкі істер министрлігінің басшысы Али Ерликаяның мәліметінше, екі шабуылдаушының көзі жойылған.

Қару асынған ер мен әйел Чағлайан ауданында орналасқан сот ғимаратындағы күзет бекетіне шабуыл жасаған.

Салдарынан 6 адам жарақаттанған. Оның ішінде, үш полиция қызметкері жараланған.

Оқиға жергілікті уақыт бойынша сағат 11:46-да орын алған.

Министрдің айтуынша, шабуылдаушылар DHKP/C террорлық ұйымына мүше болған.