Ядролық медицина: Депутаттар мамандар даярлайтын орталық ашуды ұсынды

Депутаттар Қазақстанда ядролық медицина үшін мамандар даярлау жөніндегі құзыреттілік орталығын ашуды ұсынды, деп хабарлайды BAQ.KZ тілшісі.

Ядролық медицина - денсаулық сақтау драйверлерінің бірі. Қазақстанда ядролық медицина алғашқы, дәйекті қадамдар жасайды. 

Елімізде одан әрі дамуға барлық алғышарттар бар. Парламентте бұл мәселе белсенді талқылануда. Заңнамаға түзетулер енгізу қажет: атом энергетикасы туралы, халықтың радиациялық қауіпсіздігі туралы және т.б. заңдарға, сондай-ақ заңға тәуелді актілер мен ережелерге, - деді Сенат депутаты Айнұр Арғынбекова ОКҚ алаңында өткен баспасөз конференциясында.

Сондай-ақ спикер ядролық медицина атом энергиясын бейбіт мақсатта пайдалану бағыттарының бірі екенін айтты. 

АЭХА жобасы аясында - бұл бізден, депутаттардан, Денсаулық сақтау министрлігінен ұсыныс, - Орталық Азияда Астанада мамандар даярлау жөніндегі құзыреттілік орталығын ашуды ұсынамыз, оны Семей қаласында да ашуға болады, - деді спикер.