Вице-министр халықтың берешегі қандай салық түрінен көп екенін айтты

Нұр-Сұлтан, BAQ.KZ тілшісі. Бүгін Орталық коммуникациялар қызметінде өткен баспасөз брифингінде қаржы вице-министрі Берік Шолпанқұлов жеке тұлғалардың салықтық берешегінің ең көп сомасы көлік салығына тиесілі екенін айтты. 

Жеке тұлғалардың бересілерінің ең көп сомасы көлік құралдарына салынатын салыққа - бұл 10,1 млрд теңге немесе жалпы соманың 73% құрайды. Мүлік салығы бойынша бересі сомасы 1,6 млрд теңгені немесе 11,5% - ды, жеке табыс салығы бойынша - 1,2 млрд теңгені немесе 8,6% - ды және жер салығы бойынша - 617 млн теңгені немесе 4,3% - ды құрады, - деп мәлімдеді вице-министр.

Өздеріңізге мәлім, тамыз айында Қаржы министрлігі жеке тұлғалар үшін салықтық рақымшылық жариялаған болатын. Бұл азаматтарға өткен жылдардағы салық міндеттемелері бойынша негізгі борыш сомасын төлеуге мүмкіндік берді. 

2019 жылғы 1 қаңтардағы жағдай бойынша салық берешегі бар жеке тұлғалардың саны 1,4 млн адамды құрады, олардың негізгі қарыз бойынша 13,9 млрд теңге және есептелген өсімақы 6,3 млрд теңге болды, - деп мәлімдеді Берік  Шолпанқұлов.

Оның айтуынша, түсіндіру жұмыстарының нәтижесі бойынша 672 530 жеке тұлға 14,6 млрд теңге көлемінде өз қарызын төлеген. Олар үшін 2,8 млрд теңге көлемінде өсімпұл есептен шығарылды.