Ұйымдасқан қылмыстық топ ұсталды

Астанада Ұйымдасқан қылмыстық топтың жолы кесілді, деп хабарлайды BAQ.KZ.

Елорда Полиция департаментінің Ұйымдасқан қылмысқа қарсы күрес басқармасы жедел-іздестіру іс-шараларын жүргізу барысында ұйымдасқан қылмыстық топтың 3 қатысушысын ұстады. 

Олардың "бұзақылық" бойынша қылмыстық қудалаудан жасырынғаны және Петропавл қаласында іздеу жарияланғаны анықталды. 

Күдіктілерді ұстау кезінде олар травматикалық патрондармен оқталған «WALTHER», «ОСА» маркалы тапаншалармен, сондай-ақ суық қарумен қаруланған. Аталған факті бойынша сотқа дейінгі тергеу жүргізіліп жатыр.