Ұлытауда 5 адамды іздеу жұмыстары сәтті аяқталды

Бүгін түнде Ұлытау ауданында ТЖМ құтқарушылары 5 адамды іздестіру жұмыстарын жүргізді.

Кеше күндіз олар жеңіл автокөлікпен Жезқазған қаласынан Терісаққан ауылына шығып, 10 сағаттан астам байланысқа шықпаған.

Құтқарушылар жоғалған бес адамды тапты, олар қар құрсауында қалып қойған екен. ТЖМ қызметкерлері автокөлікті қар құрсауынан босатып, оларды Ұлытау ауылына дейін сүйемелдеді. Медициналық көмек қажет болмады.