Ұлыбританияда тәулігіне 36 мыңнан астам адам коронавирус жұқтырған

Нұр-Сұлтан, BAQ.KZ. Ұлыбританияда тәулігіне 36 389 адамға коронавирустық инфекция диагнозы қойылды. COVID-19 пациенттерінің жалпы саны 5 637 075-ке жетті, деп хабарлайды RT.

Бұл мәліметті Ұлыбритания үкіметі растады. Ал елде жалпы коронавируспен ауырып қайтыс болғандардың саны 129 044-ке жетті.

Бұған дейін Ұлыбритания Көлік министрлігінің басшысы Грант Шаппс ел билігі алдағы екі аптада COVID-19-ға қарсы вакцинацияланған туристерге арналған карантиннің күшін жоюы мүмкін деп мәлімдеді.