Украинада коронавирус жұқтырғандар саны 8 мыңнан асты

Нұр-Сұлтан, BAQ.KZ. Украинада коронавирус инфекциясын жұқтырған тағы 478 адам анықталды, деп хабарлады Мемлекеттік комиссияның шұғыл штабы.

Бұл елде коронавирусты жұқтырғандардың жалпы саны 8 125-ке жетті. Өткен тәулікте тағы 8 адам көз жұмды. Мұнда барлығы 201 адам қайтыс болған. Ал ауруынан айығып шыққандар саны — 782.

Беларусьте COVID-19 вирусын тағы 817 адамның жұқтырғаны белгілі болды

Коронавирус инфекциясын жұқтырғандардың жалпы саны 9 590-ды құрап отыр. Аталған қауіпті вирустан тағы 4 адам қайтыс болды. Көз жұмғандардың жалпы саны 67-ге тең.