ТЖМ тікұшағы жаңа туған нәрестені шұғыл түрде Қызылордаға жеткізді

Бүгін күндіз ҚР Төтенше жағдайлар министрлігінің әуе кемесі Қызылорда облысы Төретам елді мекенінен жаңа туған сәбиді Қызылорда қаласына шұғыл эвакуациялады, деп хабарлайды BAQ.KZ.

Нәрестені дереу ауруханаға жеткізу қажет болды. Медициналық бригада мен ұшқыштардың үйлесімді әрекетінің нәтижесінде сәби қажетті медициналық көмекке дер кезінде қол жеткізді.