ТЖМ елдегі барлық ата-анаға маңызды ескерту жасады

Төтенше жағдайлар министрлігі еліміздегі барлық ата-анаға маңызды ескерту жариялады, деп хабарлайды BAQ.KZ ведомствоға сілтеме жасап.

Құрметті ата-аналар, балалардың терезеден құлау жағдайларының алдын алуға арналағн қарапайым сақтық ережелерін сақтайық! – делінген хабарламада.

Ол үшін қарапайым сақтық шараларын есте ұстаған жөн:

• терезеге темір торды арнайы талаптарға сай орнату қажет яғни, өрт кезінде ғимараттан шығаруға оңай ашылатындай етіп қарастыру. Тор шыбықтарының арақашықтығы бала басы симайтындай (10 см-ден аспауы тиіс) орнату;
• іштен ашылатын немесе жылжымалы торларды балалардың ашпауы үшін, арнайы бекіткіштер орнату;
• үйде балалар болған жағдайда, ешқашан терезені ашық қалдырмау;
• жиһаздарды терезе жанынан алшақ қою;
• балконға ересектерсіз шықпауы туралы балаға түсіндіру, қадағалау;
• терезені, іштен ашылатын және жылжымалы торлардың ашу тәсілдерін балаға көрсетпеу, үйретпеу;
• балаларға сақтық шараларын ұдайы үйрету және түсіндіру;
• ешқашан ұйықтап жатқан баланы жалғыз қалдырмаңыз, себебі бала оянғанда терезеге қарай ұмтылуы мүмкін;
• баланы терезе алдына мінгізбеңіз, ұдайы қолыңызда ұстап тұрыңыз.