ТЖМ балықшыларға қауіп туралы ескерту жасады

Петропавл құтқарушылары балықшылардың судағы қауіпсіздік ережелерін сақтауы бойынша профилактикалық рейдтер жүргізуде, деп хабарлайды BAQ.KZ.

Бұл туралы Төтенше жағдайлар министрлігі мәлімдеді.

Әуесқой балық аулау аймақтың барлық дерлік су қоймаларында жүзеге асырылады, бірақ балықшылар Есіл өзенін ерекше жақсы көреді. Рейд барысында ТЖМ қызметкерлері балықшылардың үстінде құтқару кеудешелерінің болуын және жүзу құралдарында жолаушылар сыйымдылығы нормаларының сақталуын талап етуде, - делінген ведомство ақпаратында.

ТЖМ су объектілерінде болған кезде барлық сақтық шараларын қатаң ұстануды талап етеді.