ТЖМ ата-аналарға ескерту жасады

Төтенше жағдайлар министрлігі қазақстандық ата-аналарға ескерту жасады, деп хабарлайды BAQ.KZ ведомствоға сілтеме жасап.

Министрлік балалардың терезеден құлау жағдайларының алдын алу үшін бірнеше қарапайым сақтық ережелерін ұсынады:

• терезеге темір торды арнайы талаптарға сай орнату қажет яғни, өрт кезінде ғимараттан шығаруға оңай ашылатындай етіп қарастыру. Тор шыбықтарының арақашықтығы бала басы симайтындай (10 см-ден аспауы тиіс) орнату.
• іштен ашылатын немесе жылжымалы торларды балалардың ашпауы үшін, арнайы бекіткіштер орнату.
• үйде балалар болған жағдайда, ешқашан терезені ашық қалдырмау.
• жиһаздарды терезе жанынан алшақ қою.
• балконға ересектерсіз шықпауы туралы балаға түсіндіру, қадағалау.
• терезені, іштен ашылатын және жылжымалы торлардың ашу тәсілдерін балаға көрсетпеу, үйретпеу.
• балаларға сақтық шараларын ұдайы үйрету және түсіндіру.
• ешқашан ұйықтап жатқан баланы жалғыз қалдырмаңыз, себебі бала оянғанда терезеге қарай ұмтылу мүмкін.
• баланы терезе алдына мінгізбеңіз, ұдайы қолыңызда ұстап тұрыңыз.