Түзеу мекемелеріндегі цифрландыру сотталғандардың құқықтарын қорғайды

Бас прокуратураның бастамасымен пенитенциарлық жүйенің барлық мекемелерінде электрондық өтініштер терминалдары орнатылуда, деп хабарлайды BAQ.KZ.

Осы жаңашылдықты іске асыру шеңберінде Құқықтық статистика және арнайы есепке алу жөніндегі комитеті сотталғандарға мекеме әкімшілігінің бақылауынсыз өз құқықтарын қорғау үшін уәкілетті органдарға жүгінуге мүмкіндік беретін функционал әзірледі. Қазіргі уақытта бейне хабарлама функциясы енгізілуде.

Жалпы, электрондық форматта сотталғандар 8 мыңнан астам өтініш берген (2020-2023жж.).

Терминалдарды орнату жазасын өтеушілерге мекеме әкімшілігісіз шағымдар мен өтініштер жіберуге, оның қызметкерлерінің заңсыз әрекеттеріне шағымдануға мүмкіндік береді.

Мысалы сотталған «Н» осы терминал арқылы Бас прокуратураға мекеме қызметкерлерінің заңсыз әрекеттері, негізссіз тәртіптік жаза қолдану және ҚК 428-бабы бойынша қылмыстық жауапкершілікке тарту туралы тікелей хабарлай алды. Қазіргі уақытта терминалдар санын және оларды қолдану аясын ұлғайту бойынша жұмыстар жүргізілуде. Бұл процесті цифрландыру жабық мекемелердегі азаматтардың құқықтарын заңсыз әрекеттерден қорғау деңгейін арттыруға мүмкіндік береді, - деп хабарлады Бас прокуратураның баспасөз қызметі.