Түркияда жанармай бағасы үш есе өсті

Нұр-Сұлтан, BAQ.KZ. Қазір дизель мен бензиннің бір литрі 28 – 26 лира тұрады, деп хабарлайды «Хабар 24».

Баға 280 процентке көтерілген. Өткен жылы жеті-сегіз лира болатын. Автокөлік иелері енді сұйытылған газға көшпек. Ол біршама арзан.

Маусым айының басында Түркияда жылдық инфляция жоғарғы деңгейге жетті. Елдегі тұтыну бағасы өткен жылдың сәйкес кезеңімен салыстырғанда 73,5 пайызға өскен. Сарапшылардың айтуынша, әзірге жағдайдың тұрақтала қоюы екіталай.