Түркияда қазақстандық бойжеткен қайтыс болды

Нұр-Сұлтан, BAQ.KZ. Қазақстандық Арайлым Орынбаева Анталияда өлі күйінде табылды. 

Haberler.com сайтының хабарлауынша, ол ормандағы ағашқа асылып тұрған жерінен табылған. Алдын ала болжам бойынша, бойжеткен өз-өзіне қол жұмсаған.

Оның денесі Анталия сот-медицина институтының мәйітханасына жеткізілді.

Арайлым Орынбаева жеті ай бұрын отбасылық жанжалдан кейін жоғалып кеткен. Ол үйінен шығып кетіп, сол беті оралмаған.