Түркияда билік партиясының ғимаратына шабуыл жасалды

Түркияда елдің оңтүстігіндегі Адана қаласында ел президенті Режеп Тайып Ердоған бастаған әділет және даму партиясының (ПСР) ғимаратына қарулы шабуыл жасалды. Бұл туралы TRT телеарнасы мәлімдеді, деп хабарлайды BAQ.KZ.

Белгісіз адам қызметкерлері жоқ кеңсеге мылтықтан 14 рет оқ атқан. Жұмысшылар бұрынырақ жер сілкінісінен сақтану үшін ғимараттан эвакуацияланған.

24 жастағы күдіктіні полиция жасағы ұстап алып, аудандық ішкі істер бөліміне жеткізді.

Түркияның Әділет министрі Бекир Боздаг Twitter-дегі парақшасында Адананың Бас прокуратурасы тергеуді бастағанын айтты.

Қазіргі уақытта Түркияда 14 мамырға белгіленген президенттік және парламенттік сайлауға дайындалуда. Сонымен қатар, 28 наурызда үш түрік оппозициялық партиясының өкілдері Жоғары сайлау комиссиясына Түркияның қазіргі президенті Ердоғанды Мемлекет басшысы лауазымына алдағы сайлауға кандидаттар қатарынан алып тастауды сұрады.