Түркістандағы апат: өрттің шығу себебі белгілі болды

Бұл туралы Түркістан облысы ТЖД бастығының бірінші орынбасары Думан Қыдырмоллаев мәлімдеді, деп хабарлайды BAQ.KZ тілшісі.

Өрттің шығу себебі- электр жабдықтарын қосатын сетевой фильтрдің ақаулығынан болып тұр. Үй жаңадан салынған. Үйдің жылыту жүйесі табиғи газбен жабдықталған. Газ қазандығы сыртта орналасқан. Ол жағынан кем-кетігі жоқ, – дейді ол.

Сондай-ақ ол ауылда өрт сөндіру бөлімшесінің жоқ екенін, өрт сөндірушілер Жетісай қаласынан ауылға 8 минутта жеткендігін айтты.

Осыған дейін Түркістан облысы, Жетісай ауданы, Алғабас ауылында екі қабатты үй өртеніп, 12 адамның қаза тапқаны туралы жазған болатынбыз.