Бүгiн 2026, 00:50
Фото: gov/kz
Түркістанда дрон ұшыруға уақытша шектеу қойылды
Талаптарды бұзған тұлғаларға айыппұл салынып, ұшқышсыз ұшу аппараты тәркіленуі мүмкін.
15 мамырда Түркістан қаласында Түркі мемлекеттері ұйымының (ТМҰ) бейресми саммиті өтеді. Осыған орай 6-15 мамыр аралығында қала аумағында дрон ұшыруға шектеу енгізілді, деп хабарлайды BAQ.KZ.
Қала аумағында ұшқышсыз ұшу аппараттарын уәкілетті органдардың рұқсатынсыз пайдалануға қатаң тыйым салынады, – деп жазылған қала әкімдігі таратқан ақпаратта.
Сондай-ақ ведомство өкілдері дрондарды заңсыз қолдану әкімшілік жауапкершілікке әкелетінін атап өтті.