Түркістан облысындағы диқандардың ағын су мәселесі шешілді
Келестегі елді мекен диқандарының ағын су мәселесі шешілді, деп хабарлайды BAQ.KZ Түркістан облысы әкімдігінің баспасөз қызметіне сілтеме жасап.
СТК (Северный Ташкентский Канал) Өзбекстан Республикасы аумағынан бастау алады. СТК каналы Өзбекстан Республикасы теңгерімінде. Қазақстан Республикасы аумағынан 19,2 шақырымы ағып өтеді. Келес ауданының Жүзімдік, Бірлесу және Ақтөбе ауылдық округтерінің жалпы 2922 гектар егіндік жерлерін сумен қамтиды.
Жүзімдік ауылдық округі аумағынан өтетін СТК каналындағы тоспалы су құрылымында (сарқырама) биыл 9 наурызда апатты жағдай болды. Жөндеу және құрылыс жұмыстары қолға алынды. Өзбекстан Республикасының «Боз-су» ирригация мекемесімен бірлесіп, биылғы жылдың 31 наурызында құрылыс жұмыстары басталып, 2 сәуір күні толық аяқталған. Жөндеу-құрылыс жұмыстарында құйылған бетон қаптамалары ағын су өткізуге 2024 жылдың 5 сәуір күні толық дайын болды. Шаруларға су беріліп, мәселе шешілді, - деп хабарлады Түркістан облысы әкімінің баспасөз қызметі.