«Тұран» командасына бас бапкер тағайындалды

Түркістандық «Тұран» командасы бас бапкері қызметіне Виталий Жуковский тағайындалды, деп хабарлайды BAQ.KZ.

В. Жуковский 1984 жылы дүниеге келген. Еңбек жолын 2010 жылы беларустік «Ислочь» командасының бас бапкері болып бастады.

2015 жылы аталған ұжым Белорус бірінші лигасының жеңімпазы болды. 2020 жылы сол елдегі БАТЭ клубының тізгінін ұстап, чемпионаттың күміс медалі мен кубок иегері атанды.

2022 жылдан қазақстандық «Атырау» клубының тізгінін ұстап, былтыр команда Қазақстан кубогының финалына жетті. Ел біріншілігінде жетінші орынға тұрақтады.

Ал «Тұран» командасы былтыр ел біріншілігінде он екінші орынды місе тұтты.