Түнгі клубтың төбесі құлады: қаза тапқандар саны 124-ке жетті

Доминикан Республикасында түнгі клубтың төбесі құлаған кезде қаза тапқандар саны 124 адамға жетті, деп хабарлайды BAQ.KZ el avance-ке сілтеме жасап.

Jet Set түнгі клубында қайғылы оқиғадан қаза тапқандар саны 124-ке жетті, - деп жазды басылым.

Сонымен қатар, ғимараттың төбесі құлағаннан кейін 155 адам әртүрлі жарақаттармен ауруханаға жатқызылғаны айтылды. Қазіргі уақытта құтқару жұмыстары жалғасуда.

Айта кетейік, Доминикандағы түнгі клубтың төбесі 8 сәуірде әнші Робби Перестің кеші кезінде құлады. Оқиғаның нақты себебі әлі анықталмаған.

Дәрігер Вальдо Ариэль Спироның айтуынша, жоғалғандар мен қайтыс болғандар арасында денсаулық сақтау мамандары да бар.