Цукерберг жаңа әлеуметтік желіні іске қосты

Meta корпорациясы Threads жаңа әлеуметтік желісін іске қосты. Оны Twitter-дің аналогы деп атап жатыр, деп хабарлайды BAQ.KZ ТАСС-қа сілтеме жасап.

Алғашқы төрт сағатта әлеуметтік желіге бес миллион қолданушы тіркелгені хабарланды. Threads қолданбасына Instagram арқылы тіркелуге және App Store арқылы жүктеп алуға болады.

Сондай-ақ Twitter-дің қазіргі иесі Илон Маскқа Threads идеясы ұнамағаны белгілі. Америкалық инженердің айтуынша, бүкіл әлем «Цуктың өкшесінің астында болады».