Трамптың командасы Зеленскийдің отставкаға кеткенін қалап отыр
АҚШ президенті Дональд Трамптың кейбір көмекшілері Владимир Зеленскийдің отставкаға кетуін талап етіп жатыр, деп хабарлайды BAQ.KZ тілшісі Bloomberg ақпарат агенттігіне сілтеме жасап.
АҚШ президенті бұл мәселеге қатысты өз әкімшілігінің кейбір мүшелеріне қарағанда ұстанымы жұмсақтау сияқты, - деп жазады басылым.
Бұған дейін Ақ үй Зеленский Трамп пен АҚШ вице-президенті Джей Ди Венспен өткізген келіссөздер барысында "өте қатаң, әрі дөрекі" болғанын мәлімдеген еді. Кездесу ашық пікірталаспен өтті.
Ақ үйдің хабарлауынша, бұл кездесудің басты мақсаты – Украинадағы қақтығысты бейбіт жолмен реттеу болған. Алайда Зеленский "келіссөз жүргізуге мүлде құлықсыз" келген.
Еске салсақ, АҚШ президенті Дональд Трамп пен Украина президенті Владимир Зеленский арасындағы Ақ үйдегі жанжалдан кейін жабық есік жағдайында болған оқиғаның егжей-тегжейі жарияланған болатын.
Бұған дейін хабарлағанымыздай, Ұлыбритания Украинада бейбітшілікті қамтамасыз ету үшін "ниеттілер коалициясын" құратынын мәлімдеді. Еуропа көшбасшылары Украинадағы жағдайы бойынша бас қосты. Ланкастер-хауста өткен кездесу 2 сағатқа созылды.
