Трамп әлемдік импорттық тарифтерді 15 пайызға дейін көтерді

Дональд Трамп жаһандық импорттық баж салығын 10%-дан 15%-ға дейін көтеретінін мәлімдеді. Оның айтуынша, бұл шешім дереу күшіне енеді, деп хабарлайды BAQ.KZ.

Мәлімдеме Truth Social әлеуметтік желісінде жарияланған. Трамп жаңа тариф деңгейі оның сауда саясатына қатысты АҚШ Жоғарғы соты шығарған шешімді «жан-жақты және толық» қарастырғаннан кейін белгіленгенін айтты.

Сондай-ақ алдағы бірнеше ай ішінде әкімшілік «Америкаға ұлылықты қайтарамыз» бағдарламасы аясында заң жүзінде рұқсат етілген жаңа тариф мөлшерлемелерін айқындап, бекітетінін жеткізді.