Төтенше жағдай: Қарағандыда 16 қабатты үйде газ жарылды

Қарағанды қаласында 16 қабатты 127 пәтерлі тұрғын үйдің 8-қабатындағы пәтерде газ жарылды, деп хабарлайды BAQ.KZ тілшісі.

Қарағанды облыстық ТЖД баспасөз қызметі таратқан мәліметке сәйкес, өрт сөндірушілер оқиға орнына келген кезде сыртқы белгілері бойынша 8-қабаттағы пәтер ашық жалынмен жанып жатқан.

Құтқарушылар кіреберістегі пәтерлерден адамдарды эвакуациялау және құтқару жұмыстарын жүргізуде. Кіреберісті қою түтін басты.

Бір кіреберісі бар 16 қабатты 127 пәтерлі үйдің 8-қабатындағы пәтерде газ жарылысы болған. Пәтер ашық жалынмен жанып жатыр. Үй кіреберісіне түтін қатты тараған. Облыстық Төтенше жағдайлар департаменті, шұғыл-құтқару жасағы, Апаттар медицинасы орталығы күштері мен құралдары, жеке құрамның 50 адамы мен 12 техникасы жұмылдырылды. Әзірге басқа ақпарат жоқ, - деді Төтенше жағдайлар министрлігінің ресми өкіл Руслан Иманқұлов.

Оқиға орнында Қарағанды облысы ТЖД, Жедел-құтқару жасағының, Апаттар медицинасы орталығының жалпы саны жеке құрамнан 50 адам мен 12 бірлік техника жұмыс жүргізіп жатыр.

Тұрғындарды жылыту үшін Қарағанды облысы ТЖ департаментінің үш вахталық автобусы бара жатыр.