8 Қыркүйек 2026, 16:15
Фото: Ақорданың баспасөз қызметі
Тоқаев Солтүстік Македония президентіне жеделхат жолдады
Қасым-Жомарт Тоқаев Гордана Силяновска-Давкованы елдің Тәуелсіздік күнімен құттықтады. Жеделхатта екіжақты байланысты нығайтуға мән берілген.
Мемлекет басшысы Солтүстік Македония Президентіне құттықтау жеделхатын жолдады. Бұл туралы Ақорданың баспасөз қызметі хабарлады.
Қасым-Жомарт Тоқаев Гордана Силяновска-Давкованы Солтүстік Македония Республикасының ұлттық мерекесі – Тәуелсіздік күнімен құттықтады.
Жеделхатта достық пен өзара түсіністікке негізделген екіжақты қарым-қатынас дәйекті түрде дамып келе жатқаны атап өтілген, - делінген Ақорда хабарламасында.
Қасым-Жомарт Тоқаев Гордана Силяновска-Давкованың қызметі мен игі бастамаларына толайым табыс, ал Солтүстік Македония халқына құт-береке тіледі.