Тоқаев: Қазақстан атом электр стансасы салынатын жерді белгіледі

Нұр-Сұлтан, BAQ.KZ тілшісі. Ел Президенті Қасым-Жомарт Тоқаев Шетелдік инвесторлар кеңесінде Қазақстан атом электр стансасы салынатын жерді белгілегенін айтты.

Президент атом электр станциясының құрылыс алаңының нақты қай жерде орналасқанын нақтыламай, атом энергиясын пайдалану парниктік газдар шығарындыларын азайтудың маңызды факторларының бірі екенін атап өтті.

Жаңартылатын энергияның тұрақсыздығы және газ өндірудің шектелуі жағдайында бейбіт атом үздіксіз негізгі генерацияның бірден-бір көзі болып саналады. ЕО жасыл технологиялар тізіміне енгізген атом энергетикасын дамытуда Қазақстанның бірқатар нақты артықшылықтары бар, - деді Тоқаев.

Мемлекет басшысының айтуынша, республиканың табиғи уран өндіруден әлемде бірінші орында тұрғанын, ядролық отын компоненттерінің өзіндік өндірісі барын және уранды байыту бойынша тиісті мүмкіндіктері бар.

Қазіргі уақытта біз атом электр стансасын орналастыратын жер туралы шешім қабылдадық және әлеуетті жеткізушілердің технологияларын зерттеп жатырмыз, - деп айтты Қасым-Жомарт Тоқаев отырыста.