Тоқаев: Ораза ұстайтын жамағаттың ниеті қабыл болсын

Мемлекет басшысы Қасым-Жомарт Тоқаев «Тәуелсіздіктің 25 жылдығы» монументі жанындағы алаңда Наурыз мейрамына арналған мерекелік іс-шараға қатысып, сөз сөйледі, деп хабарлайды BAQ.KZ.

Мемлекет басшысының сөзінше, бабаларымыз Наурыз тойын жасампаз еңбектің мейрамы санаған. Президент негізгі мақсатымыз - қуатты мемлекет болу екенін айтты. 

Біз жан-жақты дамыған қуатты мемлекет боламыз! Бұл – негізгі мақсатымыз. Мен жасампаз халқымыздың келешегі жарқын болады деп сенемін. Мемлекеттің мүддесі – бәрінен биік, - деді Қасым-Жомарт Тоқаев.

Мемлекет басшысы Рамазан айы Ұлыстың ұлы күнімен қатар келгенін айтып өтті.

Биыл қасиетті Рамазан айы Ұлыстың ұлы күнімен қатар келді. Ораза ұстайтын жамағаттың ниеті қабыл болсын!, - деді ол.