Тоқаев Өмірбек Байгелдіні қабылдады

Нұр-Сұлтан, BAQ.KZ. Қазақстан Президенті мемлекет және қоғам қайраткері Өмірбек Бәйгелдіні қабылдады. Бұл туралы Ақорданың баспасөз қызметі хабарлады.

Мемлекет басшысы мен Парламент Сенатының бірінші төрағасы Орталық Азиядағы қазіргі әлеуметтік-экономикалық және саяси ахуалдар жөнінде пікір алмасты.

Олар қоғамдық өмірдегі өзекті проблемаларды, соның ішінде өскелең ұрпақтың патриотизм рухында тәрбиеленуіне, халқымыздың тарихына құрметпен қарауына қатысты мәселелерді талқылады.