Токио-2020: Қамшыбек Қоңқабаев жартылай финалға өтті

Нұр-Сұлтан, BAQ.KZ. Токио Олимпиадасында боксан аса ауыр салмақтағы ширек финалдық жекпе-жектер жалғасуда, деп жазды Olympic.kz. 

Аса ауыр салмақта сынға түскен Қамшыбек Қоңқабаев ресейлік Иван Верясовпен кездесіп, жеңіске жетті. 

Ол қарсыласын 4:1 есебімен ұтып, жартылай финалға жолдама алды. Бірінші және екінші раундта төрешілер жеңісті Қамшыбекке берсе, үшінші раундта Иван Верясовтың белсенділігі есепке алынды. 

Жартылай финалда Қамшыбек Қоңқабаев америкалық Ричард Торреспен кездеседі.