Тоқаев Ахалтеке жылқысына арналған кешенге барды

Нұр-Сұлтан, BAQ.KZ. Түрікменстанға мемлекеттік сапармен келген Қасым-Жомарт Тоқаев Президент Гурбангулы Бердімұхамедовпен бірге Ахалтеке жылқысына арналған кешеннің ипподромын аралап көрді. Бұл туралы Ақорданың баспасөз қызметі хабарлады.

Мемлекет басшысына Түрікменстан Президентінің арғымақ аттары көрсетілді. 

Іс-шара барысында құрметті қонақтар шабандоздардың өнерін тамашалады.