Тоқаев: Инфляция деңгейінің өсуіне қарсы жұмыстарға ерекше назар аудару керек

Нұр-Сұлтан, BAQ.KZ. Мемлекет басшысы Ұлттық банк төрағасы Ерболат Досаевтың есебін тыңдады, деп хабарлады Ақорданың баспасөз қызметі.

Ерболат Досаев Қасым-Жомарт Тоқаевқа валюта нарығы мен қаржы саласындағы қазіргі ахуал туралы айтты. 

Ұлттық банк төрағасы Қазақстанның қор биржасындағы "теңге-доллар" саудасы кезінде Франкфурт аукционы әдісін уақытша енгізу, сондай-ақ, қаржылық тұрақтылық пен іскерлік белсенділікті сақтау мақсатында ақша-кредит саясатына қатысты қабылданған шаралар жайында баяндады. 

Мемлекет басшысы валюта нарығындағы жағдайды тұрақтандыру үшін Ұлттық банктің, Үкіметтің және ұлттық холдингтердің үйлесімді жұмыс жүргізіп, тиімді шешімдер қабылдауының маңыздылығын атап өтті, - делінген хабарламада.

Қасым-Жомарт Тоқаевтың пікірінше, инфляция деңгейінің өсуіне қарсы жұмыстарға ерекше назар аудару керек. 

Кездесу қорытындысы бойынша президент отандық кәсіпорындарға несие беруге, олардың операциялық қызметін қаржыландыруға қатысты кешенді қолдау шараларын қабылдауды тапсырды.

Бұған дейін мемлекет басшысы қаланың кіреберісіне қойылған бекеттерді аралаған болатын.