Тоқаев қырғыз режиссерінің қаза болуына байланысты көңіл айтты

Нұр-Сұлтан, BAQ.KZ. Қасым-Жомарт Тоқаев қырғыз режиссері Болот Шамшиевтің отбасына көңіл айтты, деп хабарлады Ақорданың баспасөз қызметі.

Қазақстан президенті қырғыз халқының аса көрнекті режиссері Болот Шамшиевтің қайтыс болуына байланысты оның отбасына көңіл айту жеделхатын жолдады.

Болот Төленұлы әлемдік кино өнерінде өшпес із қалдырды. Ол екі ел арасындағы ғасырлар бойы қалыптасқан достық пен бірлікті нығайтуға зор үлес қосты. Ол сахналаған қазақ әдебиеті мен драматургиясы классиктерінің шығармалары Қазақстан мен Қырғызстан халықтарының ортақ мәдени мұрасына айналды. Болот Шамшиевтің есімі біздің жүрегімізде мәңгі сақталады деп сенемін, – делінген жеделхатта.