Тоқаев Иранда жолаушылар ұшағының апатқа ұшырауына байланысты көңіл айтты

Нұр-Сұлтан, BAQ.KZ. Қазақстан президенті Қасым-Жомарт Тоқаев Тегеран қаласы әуежайының маңында "Украина халықаралық әуежолы" компаниясы ұшағының апатқа ұшырауы салдарынан азаматтары қаза болған бірқатар мемлекет басшыларына көңіл айту жеделхаттарын жолдады, деп хабарлады Ақорданың ресми сайты.

Биылғы 8 қаңтарда "Украина халықаралық әуежолы" компаниясының әуе кемесі Тегеран қаласы әуежайының маңында апатқа ұшырады. Ұшақ бортында шамамен 180 жолаушы болған.