ТМД саммиті Әлиев пен Пашинянсыз өтеді

ТМД-ның бейресми саммиті Әзербайжан президенті Ильхам Әлиев пен Армения премьер-министрі Никол Пашинянның қатысуынсыз өтетіні белгілі болды, деп хабарлайды BAQ.KZ тілшісі.

Әзербайжан басшысы Ильхам Әлиев Ақтау маңындағы әуе апаты туралы хабардан кейін Санкт-Петербургтен еліне кеткен.

Ал Никол Пашинянда коронавирус анықталып, ол өзін-өзі оқшаулады. Ертең ол ЕАЭО отырысына онлайн қатыспақ.

РФ президентінің баспасөз хатшысы Дмитрий Песков саммит бағдарламасының өзгермейтінін айтады.

Саммитте Тәуелсіз Мемлекеттер Достастығы елдері жыл қорытындыларын шығарып, интеграциялық ынтымақтастықтың перспективаларын талқылайды.