Теміртауда көліктен қомақты ақша ұрлаған жасөспірімдер ұсталды

Теміртау қалалық полиция басқармасына қарасты Шығыс полиция бөлімінің қызметкерлерімен жүргізілген жедел-іздестіру іс-шаралары барысында ұрлық жасады деген күдікпен 13 және 14 жастағы жасөспірімдер ұсталды, деп хабарлайды BAQ.KZ Polisia.kz-ке сілтеме жасап. 

Белгілі болғандай, жасөспірімдер түнгі уақытта қаладағы көпқабатты үйлердің бірінің ауласында тұрған автокөліктің ішіне кіріп, одан 4 миллион теңге ақша ұрлап кеткен. Күдіктілер жасаған қылмыстары туралы мойындау көрсетпе белгілерін берді. Тәртіп сақшыларымен айғақ заттар тәркіленді. 

Аталған дерек бойынша қылмыстық іс қозғалып, тергеу амалдары жүргізіліп жатыр.