Теміртау әкімі жылу магистральдарын қайта құру қашан аяқталатынын айтты

Теміртауда №3 және 2 жылу магистральдарына күрделі жөндеу жұмыстары жалғасып жатыр, деп хабарлайды BAQ.KZ.

Бүгінгі таңда екі учаскеде сәйкесінше 3650 және 190 метр құбыр салынды. Жұмыстар жылыту маусымына қарай аяқталмақ.

Теміртау құбырларының 80%-ға жуығы тозған. Сондықтан биыл қалада бірден екі жылу желісі бойынша күрделі жөндеу жұмыстары басталды. Қала әкімі Ораз Тәуірбеков Instagram-да тікелей эфирде жұмыс барысы туралы айтып берді.

№ 3 жылу магистралінің желілері 80-ші жылдары салынған. Халықтың және қаланың барлық инфрақұрылымының шамамен 35%-ы оның есебінен жылумен қамтамасыз етіледі. Тек өткен жылыту маусымында осы магистральда 16 ақау пайда болды, көктемгі қысымнан кейін тағы 17-сі табылды. Сондықтан ең апатты учаскені қайта құру туралы шешім қабылданды. Жобаның өзі екі жылдық. Біз екі тармақты – 6 км ауыстыруымыз керек. бүгінде 3650 м төселді, – деп атап өтті Ораз Тәуірбеков. 

Құбырларды жеткізу Челябинск, Алматы және Нұр-Сұлтан қалаларынан жүзеге асырылады. Жұмыс кестесіндегі кідіріс материалды жеткізумен байланысты.

Қарағанды облысы әкімдігі баспасөз қызметінің мәліметінше, № 2 жылу магистралінің жалпы ұзындығы 24,8 км, оның ішінде жобамен зауыт басқармасынан Ушинский көшесіне дейінгі ұзындығы 4,4 км апаттық учаскені жөндеу көзделген.

Бүгінде 1,4 шақырым құбырды демонтаждау жүргізілді. 216 м құбыр жеткізілді, оның 190 м дәнекерленді, Материал толығымен сатып алынды. Жұмысқа кірістік. Логистика саласында проблемалар жоқ, – деп сендірді Ораз Тәуірбеков.

Сапаны бақылауды техникалық қадағалау мен қоғамшылдар жүзеге асырады. Жобаларды іске асырғаннан кейін желілердегі апаттылықтың төмендеуі және қаладағы жылумен жабдықтау сапасы жақсарады деп күтілуде.