Темір жолды қысқа дайындау жұмысы 1 қарашаға дейін аяқталады

«ҚТЖ» ҰК» АҚ желісінде инфрақұрылым мен жылжымалы құрамды қысқы жағдайларда жұмысқа дайындау жүргізілуде, деп хабарлады BAQ.KZ.

Қазақстан темір жолы ҰК АҚ баспасөз қызметінің мәлімдеуінше, тиісті іс-шараларды өткізуді компания басшылығы мен құрылымдық бөлімшелер басшылары арасынан жасақталған арнайы штаб үйлестіреді.

Жұмыстың негізгі бағыттарының бірі – жолаушылар кешенінің алдағы суықтарға дайындығы. Жолаушылар вагондары мен электр пойыздары қысқы жұмыс режиміне ауыстырылады. Вокзал ғимараттарының жүйелерін сығымдау және жуу жүргізілді. Тобыл және Түлкібас вокзалдарында жылыту жүйелеріне ағымдағы жөндеу жүргізілді. Сексеуіл және Павлодар вокзалдарында жұмыстар аяқталуда. 30 қазанға дейін Балқаш, Мырза, Жезқазған, Мойынты вокзалдарында жылу жүйесіне жөндеу жүргізу жоспарлануда.

Қазандық қондырғылары мен жылу трассалары қысқа дайындалуда. Жылыту маусымына техникалық және тұрмыстық көмір жеткізу кестеге сәйкес жүргізілуде. Теміржолшылардың тұрмыстық қажеттіліктері үшін 20 мың тоннадан астам қатты отын толық көлемде жеткізілді.

Қызметтік-техникалық ғимараттар, электр орталықтандыру бекеттері тексерілуде және жөнделуде. Станциялық шаруашылықты дайындау шеңберінде жарықтандыру жүйелеріне, бағыттамалық бұрмаларды пневматикалық үрлеу құрылғыларына тексеру жүргізіліп жатыр.

 Машиналар мен механизмдерге техникалық қызмет көрсету жүргізіліп, жабдықтардың, қосалқы бөлшектер мен жанар-жағармай материалдарының қысқы қоры әзірленуде. Тасымалдау процесінің тұрақты жұмысын, қозғалыс қауіпсіздігін қамтамасыз ету үшін локомотив тораптары мен жүйелері қысқы режимге ауыстырылуда. Байланыс сымдарын мұздан тазарту үшін вибропантографтар дайындалып та қойылған.

Суық ауа райы басталғанға дейін қызметкерлер қысқы арнайы киіммен және аяқ киіммен, жеке қорғаныс құралдарымен қамтамасыз етіледі (барлығы 180 мың данадан астам түрлі атаулар).

Суық мезгілде магистральда жұмыс тәжірибесі жоқ «алғашқықыстықтар»-теміржолшыларын оқытуға ерекше назар аударылады. Ағымдағы жылы тәжірибелі тәлімгерлерге 5128 «алғашқықыстықтар» бекітілді.

 Жалпы, 1 қарашаға дейін 460 астам қазандықты дайындау аяқталып, 4000 жуық өндірістік-техникалық ғимарат жөнделеді. Қысқы кезеңде жұмысқа 284 бірлік қар тазалау техникасы әзірленіп жатыр.

«ҚТЖ» ҰК» АҚ барлық бөлімшелерінің қыс мезгіліне дайындығын қазан айының соңында Компания басшыларының қатысуымен арнайы комиссия тексереді.