Тегін жер учаскесін алу үшін кезекке қалай тұруға болады?

Нұр-Сұлтан, BAQ.KZ тілшісі. Тегін 10 сотық жерді алу үшін онлайн кезекке тұру мүмкін. Елде өтінім беру процесі автоматтандырылды.

Ол үшін не істеу керек:

-  еGov.kz порталына кіресіз;
- «Жылжымайтын мүлік», содан кейін «жер қатынастары» бөлімін таңдаңыз.
— «Жеке тұрғын үй құрылысына жер телімін алу үшін кезекке қою немесе қарау» (10 сотық) қызметін басыңыз.
- «Қызметке онлайн тапсырыс беру» батырмасын басыңыз.
- ЭЦҚ көмегімен авторизациядан өтіңіз.

Енді келесі қадамға көшсек:

1) алдымен өтініш түрін таңдау керек:
- кезекке қою-облысты, ауданды, ауылдық округті таңдау;
— деректерді өзектендіру-кезекті тексеру үшін;
- кезектен шығару-тиісті түймені басу;
2) ЭЦҚ өтініміне қол қойыңыз;
3) кезекке қою туралы хабарлама алыңыз.

Өтінімді қалыптастыру 5 минуттай уақыт алады.

Қазақстан Республикасының кез келген облысында, сондай-ақ Нұр-Сұлтан мен Шымкентте жерге кезекке тұруға болады. Алматы бойынша қалада бос жерлер жоқ екендігі туралы хабарлама шығады, сондықтан кезекке қою жүргізілмейді.

Маңызды нәрсе: 

Учаскелерді беру бойынша шешімді әкімдіктер қабылдайды.

Учаскелер алаңдардың дайындалуына қарай (коммуникациялардың болуы) немесе бос аумақтар болған кезде берілетін болады.

10 сотық жер тек бір рет тегін беріледі, кезек келген аймақта. Қалған өтінімдер жойылады.

Егер бұрын мемлекеттен жерді тегін алса немесе Алматы жағдайындағыдай ЖТҚ үшін бос аумақтар болмаса, пайдаланушы кезекке тұра алмайды.

Жер теліміне кезекті цифрландыру-сыбайлас жемқорлықты жою үшін үлкен қадам болып отыр. Енді кәмелетке толған әрбір қазақстандық үйден шықпай-ақ 10 сотық жерге өтінім бере алады және өз кезегін қадағалай алады,-деп түсіндірді Цифрлық даму, инновациялар және аэроғарыш өнеркәсібі вице-министрі Әсет Тұрысов.

Бұрын 10 сотық жерді  алу үшін  әкімдіктерге қағаз түрінде өтініш беру керек болатын. Оның өзінде тек тұратын аймақтан ғана таңдауға мүмкіндік болатын. Кезекке тұрғандардың тізімі әкімдіктерде сақталды.

Егер сіз бірінші рет жер телімін алу үшін кезекке тұрсаңыз, онда сіз  алғыңыз келетін аймақты таңдауыңыз керек.

Сонымен қатар, егер сіз бұрын кезекке тұрғаныңызға сенімді болсаңыз, бірақ өзіңіз туралы ақпарат таба алмасаңыз, онда өтініш түрін таңдау керек – авторизациялаудан өту.

Өз кезегін растау үшін оның бар екенін растайтын құжатты (талонның скан-нұсқасы, өтініштің, жеке куәліктің көшірмелері) жүктеу қажет.

Сондай-ақ, сайтта өз кезегіңізді бақылай аласыз map.gov4c.kz, ЭЦҚ көмегімен авторизацияланады.

«Кезектен шығару» өтініш түрін таңдау арқылы өзіңізді кезектен шығаруға болады.

ҚР Жер кодексінің 50-бабына сәйкес, Қазақстанның әрбір азаматы жеке тұрғын үй құрылысы үшін жер учаскесін (10 сотық жер) тегін алуға құқылы.