Президент инновациялық кластер орталығының жұмысымен танысты

Нұр-Сұлтан, BAQ.KZ. Қасым-Жомарт Тоқаев Tech Garden орталығының жұмысын жоғары бағалап, алдағы бастамаларына сәттілік тіледі, деп хабарлады Ақорданың баспасөз қызметі.

ҚР президенті Қасым-Жомарт Тоқаевқа инновациялық кластер орталығында орналасқан 4 технологиялық лаборатория, 50-ден аса IT компаниялар мен  бірқатар стартап жобалар туралы жан-жақты ақпарат берілді. 

"Инновациялық кластердің жұмысына 284 ұйым біріктірілген. Олардың қатарында 23 жоғары оқу орны, 25 ғылыми зерттеу орталығы, 2 технопарк, 1 даму институты, "Инновациялық технологиялар паркі" арнайы экономикалық аймағына қарасты 166  компания, 1 бірлескен инвестициялық қор және 66 ұйым бар", - делінген хабарламада.