Жағдайы ауыр. Тауда жоғалған алматылық табылды

Нұр-Сұлтан, BAQ.KZ. Алматыда тауға кетіп, жоғалып кеткен турист Әлия Камиева табылды.

Қалалық ТЖД оны 8 шілдеде сағат 10:56-да Үлкен Алматы көлінің аумағынан тапқан. 

Жағдайы ауыр, оны тасымалдап, ауруханаға жатқызу қажет. Департамент «Қазавиақұтқарудан» тікұшақ жібереді, - деп қосты департаментте.

Іздестіру-құтқару жұмыстарына Республикалық жедел-құтқару жасағының қызметкерлері, «109» құтқару қызметі, 75 волонтер қатысты.

Камиева 5 шілдеде үйден шығып кеткен болатын.